EUSKAL ENPRESEN ETA PRODUKTUEN INTERESEKO MERKATUAK

Globalizazio ekonomikoaren garaian, konstante bakarra nazioarteko ingurune ekonomikoaren etengabeko aldaketak dira eta honako ezaugarri hauek dituzte:

• Merkatuen irekiera eta liberalizazioa
• Gero eta handiagoa den lehia
• Gero eta berrikuntza-behar handiagoa

Horiek hausnarketa sakon bat egitera behartzen gaituzte eta horrela enpresak eta Administrazioak beren lehia-abantailei eusteko sustapen- eta inbertsio-jardunei emandako babesa berriz planteatzea justifikatzen dute.

Lider diren merkatuen eta produktuen nitxoen etengabeko aldaketak direla-eta, eta kanpoko merkatuetan gauzatzen diren jardunen emaitzak bat-batekoak ez direnez —epe ertain edo luzekoak baizik— komenigarria da euskal enpresen produkzio-egituran oinarrituriko berezko metodologia bat diseinatu eta aplikatzea. Metodologia horrek honako hau ahalbidetuko du:

• Ingurune lehiakorra ebaluatzea merkatuetako aukerak eta mehatxuak atzeman ahal izateko
• Euskal enpresa eta produktuentzat merkatu garrantzitsuak —orain eta etorkizunean— biltzen dituen Herrialdeen Panela modu sistematikoan ezartzea.
• Herrialde horien erakargarritasuna kuantifikatzea eta potentziala duten merkatuakidentifikatu eta sailkatzea, bai esportazioei dagokienez baita inportazioei dagokienez ere, dagoeneko eraginkorra den euskal enpresen nazioartekotzearen hobekuntza ahalbidetzeko.

Eginiko azterketek egoera-mapak eraikitzea ahalbidetu dute. Mapa horien helburua ez da euskal enpresaren nazioartekotzerako rankingedo sailkapen zurrun bat egitea, baizik eta sustapen-politiken orientazio eta garapena oinarritu ahal izateko azterketarako tresna objektibo bat eduki ahal izatea.

Ezinbestekoa izan da euskal enpresa eta produktuen kanpoko presentzian zuzenean parte hartzen duten ekonomia-eragileen iritzia eta lankidetza.

Sektore edo enpresa indibidual bakoitzak bere azterketa estrategikoa egin beharko du, bere xede izango diren herrialdeak zehazteko.

Interesa duten herrialdeen panela aurkezteaz gain, amaiera gisa lehentasunez jarduteko herrialde multzoa aurkezten digu lan honek, hau da, jardun publikoak zer herrialdeetan izango duen eragin handiena.